“ჩვენ გამარჯვებას ვაპირებთ, პაუზები არ იქნება”-ბენიამინ ნეთანიაჰუ
ცეცხლს უფრო ძლიერი ცეცხლით ვუპასუხებთ – ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა.
„არსებობენ ისეთები, რომლებიც ფიქრობენ, რომ მათ შეუძლიათ ჩვენი ჯარებისა და მშვიდობიანი მოსახლეობის წინააღმდეგ თავდასხმები გაზარდონ. ეს ცეცხლთან თამაშია“, – განაცხადა ნეთანიაჰუმ.
„ცეცხლს ბევრად უფრო ძლიერი ცეცხლით ვუპასუხებთ. მათ არ უნდა გამოგვცადონ, რადგან ჯერ ჩვენ ძალის მხოლოდ მცირე ნაწილი გამოვავლინეთ. ყველას, ვინც ჩვენ ზიანს გვაყენებს, უფრო მეტ ზიანს მივაყენებთ“, – აღნიშნა ისრაელის პრემიერმა.
ნეთანიაჰუმ განცხადება ისრაელის თავდაცვის ძალების უდაბნოს დაზვერვის ბატალიონთან, ე.წ. ბედუინთა ბატალიონთან შეხვედრის დროს გააკეთა.
„გილოცავთ. ჩვენი პარტნიორობა ყველა ჩვენგანის მომავალია ამ ველურების წინააღმდეგ. ჩვენ გამარჯვებას ვაპირებთ. პაუზები არ იქნება. ეს არ არის ოპერაცია, ეს არ არის ბრძოლის მორიგი რაუნდი. ჩვენ წინ ტოტალური გამარჯვებისთვის მივიწევთ“, – განუცხადა ნეთანიაჰუმ ჯარისკაცებს.
