ანა ჯაფარიძემ პარიზის პარალიმპიურ თამაშებზე ბრინჯაოს მედალი მოიპოვა

პარიზის ზაფხულის პარალიმპიურ თამაშებზე პირველი შეხვედრა გამართა საქართველოს ნაკრების ყველაზე ახალგაზრდა წევრმა ანა ჯაფარიძემ (52 კგ).

19 წლის პარატაეკვონდოისტი აშშ-ის წარმომადგენელ არიანა პაოლო აგუილა რამოსს დაუპირისპირდა, მეტოქეს ანგარიშით 22:2 სძლია და მეოთხედფინალში თურქ სპორტსმენს შეხვდება.

ქართველი პარასპორტსმენი ევროპის საკონტინენტო ტურნირის გამარჯვებულია.

აღსანიშნავია, რომ ქართველი პარატაეკვონდოისტები პარალიმპიადაში პირველად მონაწილეობენ. დღეს იასპარეზა ლია ჩაჩიბაიამ, 30 აგვისტოს კი საქართველოს ღირსებას გიორგი ნიკოლაძე დაიცავს.

ინფორმაციას კულტურის სამინისტრო ავრცელებს.