ამერიკული ლობიზმი და ევროპული კორუფცია! – ლევან მამალაძე
“რამდენად გაიყიდა ნაპრეზიდენტალი მარგველაშვილი?!- ასე ეხმაურება სოციალურ ქსელში “სტრატეგიული დაგეგმარების ცენტრის” ხელმძღვანელი, ლევან მამალაძე აშშ-ის იუსტიციის დეპარტამენტის მიერ გამოქვეყნებულ დოკუმენტებს, რომლის მიხედვითაც, ერთ-ერთ აქტივობაში, რომელშიც გიორგი მარგველაშვილიც იყო ჩართული, მედიაკომპანიამ მიხეილ სააკაშვილის სახელით 12 000 დოლარამდე თანხა მიიღო.
“რამდენად გაიყიდა ნაპრეზიდენტალი მარგველაშვილი?!- რა მოხდა , მეოთხე პრეზიდენტმა 11500 დოლარი აიღო, სახელმწიფო ინტერესების შელახვაში?! ასე მოქმედებს FARA-ს “რუსული” კანონი ამერიკაში. სააკშვილი მილიონებს უხდის ლობისტურ კომპანიებს, ამერიკელი ლობისტები ქრთამებს არიგებენ ევროპაში და საქართველოში, რომ სახელმწიფოს პრობლემები შეუქმნან! ევროკავშირის კანდიდატის სტატუსი არ მივიღოთ, ქვეყანაში დაძაბულობა შექმნან და რევოლუციად წოდებული გადატრიალება მოაწყონ. მიზანი კი მეორე ფრონტის გახსნაა!
სახელმწიფოს მიმართ მტრობა სისხლის სამართლის კოდექსით დასჯადი მუხლებია!
“დანაშაული სახელმწიფოს წინააღმდეგ – თავი XXXVII მუხლი 319.
უცხო ქვეყნისათვის, უცხოეთის ორგანიზაციისათვის ან უცხოეთის კონტროლს დაქვემდებარებული ორგანიზაციისათვის მტრულ საქმიანობაში დახმარება. ისჯება თავისუფლების აღკვეთით ვადით შვიდიდან თხუთმეტ წლამდე.”
საკითხი მარტივად დგას, სანამ ხელისუფლება შერჩევითი სამართლის რეჟიმშია სამშობლოს მოღალატეთა რიცხვი გეომეტრიული პროგრესიით იზრდება!”- წერს სოციალურ ქსელში ლევან მამალაძე.
შეგახსენებთ, აშშ-ის იუსტიციის დეპარტამენტის ვებგვერდზე გიული ალასანიასა და მიხეილ სააკაშვილის მიერ დაქირავებული ლობისტური კომპანიის აქტივობების შესახებ ახალი ინფორმაცია 19 ივლისს გამოქვეყნდა.
FARA-ს თანახმად, ერთ-ერთ აქტივობაში, რომელშიც გიორგი მარგველაშვილიც იყო ჩართული, მედიაკომპანიამ მიხეილ სააკაშვილის სახელით 12 000 დოლარამდე თანხა მიიღო.
