7 ოქტომბრის ასტროლოგიური პროგნოზი

ვერძი

შეიძლება, ძვირფასი ადამიანის გამო მნიშვნელოვანი რამის მსხვერპლად გაღება მოგიწიოთ, თუმცა, საბოლოო შედეგით კმაყოფილი დარჩებით.
გირჩევთ ოჯახს მეტი დრო დაუთმოთ — ესტუმრეთ მშობლებს, უფრო ხშირად ესაუბრეთ და დაუკავშირდით და-ძმებს და შორეულ ნათესავებსაც.
სამსახურში მოსალოდნელია უსიამოვნო სიტუაციები, მაგრამ შეგიძლიათ თქვენს გამჭრიახობას დაეყრდნოთ. მოვალეობების სრულყოფილად შესრულება პრობლემის მოგვარებაში დაგეხმარებათ.

კურო

ყურადღებას თუ მოადუნებთ, შესაძლოა სერიოზულ პრობლემებში გაეხვიოთ.
თუ დაქორწინებული ხართ, გაითვალისწინეთ, რომ ამ დღეს, „მარცხნივ“ყველაზე უვნებელ ფლირტსაც კი შეუძლია ოჯახურ ურთიერთობებში პრობლემები გამოიწვიოს.
მომდევნო 24 საათის განმავლობაში უამრავი საქმე და საზრუნავი გელით, ასე რომ, მოწყენას ვერ მოასწრებთ და ეს ძალიან კარგია.
შესაძლოა ემოციურმა დაძაბულობამ გადაღლილობა გამოიწვიოს. დღის ბოლოს მოსალოდნელია საჭმლის მომნელებელი სისტემის პრობლემა, ამიტომ მაღალკალორიული საკვების მიღებას მოერიდეთ.

ტყუპები

ეს დღე ყოველგვარი მოულოდნელობისა და ემოციური რყევების გარეშე ჩაივლის, თუმცა ეს არ ნიშნავს, რომ მოიწყენთ. დღე უფრო შესაფერისია ფიქრისა და შემოქმედებითი საქმიანობისთვის, ვიდრე უაზრო სირბილისა და ზედაპირული ურთიერთობებისთვის.
ვარსკვლავები გირჩევენ, რომ საყვარელი ადამიანის მიმართ მეტი ნდობა გამოიჩინოთ — გადაჭარბებულმა ეჭვიანობამ და დაუსაბუთებელმა უნდობლობამ შეიძლება კონფლიქტი გამოიწვიოს.
სამუშაო საათებში ჯობს, ადრე დაწყებული საქმეები დაასრულოთ და სამუშაო სივრცე მოაწესრიგოთ.
ამ დღეს ინტუიციას ნუ დაეყრდნობით, თორემ შეიძლება მძიმე შეცდომა დაუშვათ.

კირჩხიბი

ახლობელ ადამიანს გაუჭირდება მიხვდეს, რას ითხოვთ მისგან და რატომ. მოგიწევთ თქვენი სურვილებისა და მიზნების შესახებ პირდაპირ და გასაგებად უამბოთ.
გადაწყვეტილების მიღებამდე ეცადეთ, ოჯახის სხვა წევრების მოსაზრებები და საჭიროებებიც გაითვალისწინოთ. იურიდიული საკითხები წარმატებით მოგვარდება, მთავარია იმ კონფლიქტებში არ ჩაებათ, რომლებიც თქვენ არ გეხებათ.
თქვენს ცხოვრებაში ხელსაყრელი შესაძლებლობა გაჩნდება, მაგრამ მის შესამჩნევად მეტი ყურადღება უნდა გამოიჩინოთ.
ვარსკვლავები გირჩევენ, მეტი იმოძრაოთ — სიარული, სპორტი, გართობა, ნებისმიერი აქტიურობა თქვენთვის სასარგებლო იქნება.

ლომი

მეგობრული ურთიერთობები შესაძლოა სასიყვარულო ურთიერთობებში გადაიზარდოს. ვენერასა და იუპიტერს შორის ტრინი რომანტიკული ურთიერთობის დასაწყებად ხელსაყრელ პირობებს ქმნის.
თქვენი მხარდაჭერა შესაძლოა დასჭირდეს ადამიანს, რომელიც რთულ სიტუაციაში აღმოჩნდა.
გაუგებრობა და უთანხმოებები წარსულში დარჩება – ამ დღეს შეიძლება საერთო ენა დაუძინებელ მტერთანაც კი გამონახოთ.
გამორიცხული არ არის, რომ საინტერესო სამსახური ან დამატებითი შემოსავლის წყარო შემოგთავაზონ.
სამსახურში კონფლიქტურ სიტუაციებში ჩარევას ერიდეთ.
დაუგეგმავი ხარჯები გელით — ეცადეთ, ვალებში არ გაეხვიოთ.
ფრთხილად იყავით უცნობი საკვების დაგემოვნებისას — არსებობს მოწამვლის რისკი.

ქალწული

ვარსკვლავები მიანიშნებენ, რომ დღეს მიღებული ინფორმაცია საყვარელ ადამიანთან თქვენს ურთიერთობაზე მნიშვნელოვან გავლენას მოახდენს.
ნუ ეცდებით ყველა საქმის ერთდროულად დასრულებას — ეტაპობრივად იმოქმედეთ.
ბევრი ქალწული ამ დღეს მნიშვნელოვან შეთანხმებებს და ხელშეკრულებებს გააფორმებს ან მოლაპარაკებებს გამართავს.
შესაძლოა, საღამოს თავი შეუძლოდ იგრძნოთ. თქვენი იმუნური სისტემა ბოლოდროინდელი სტრესების გამო დასუსტებულია. ახლა მნიშვნელოვანია დაისვენოთ და არაფერზე იდარდოთ.

სასწორი

ვარსკვლავების მწყობრი განლაგება ახალ რომანტიკულ თავგადასავალს გპირდებათ! თქვენგან მხოლოდ ერთი რამ არის საჭირო — გაბედოთ და პირველი ნაბიჯი გადადგათ.
შესაფერისი დღეა მეგობრული და ოჯახური კავშირების გასამყარებლად. ჰოროსკოპი ამბობს, რომ ძველი წყენა წარსულში დარჩება, ხოლო თქვენ შეძლებთ წარსულში დაპირისპირებულ ადამიანებზე კარგი შთაბეჭდილება დატოვოთ.
ფინანსური საკითხების განხილვა უმჯობესია სხვა დღისთვის გადადოთ. იუპიტერის გავლენის ქვეშ გონივრულ კომპრომისზე წასვლა რთული იქნება.
იზრუნეთ მავნე ჩვევებისგან გათავისუფლებისთვის – დღეს ამისთვის ხელსაყრელი დროა.

მორიელი

ამ დღეს საპირისპირო სქესის ადამიანებს მაგნიტივით იზიდავთ. ნუ შეეწინააღმდეგებით გრძნობას, რომელიც თქვენში იღვიძებს.
ეცადეთ მოთმინება გამოიჩინოთ და საყვარელ ადამიანს ყურადღებით მოუსმინოთ. ეს გაუგებრობების გადალახვაში და ნდობის განმტკიცებაში დაგეხმარებათ.
ზედმეტმა შფოთვამ შეიძლება დაძაბულობა და თავის ტკივილი გამოიწვიოს. ახლა ყველაზე მეტად სიმშვიდე და მოდუნება გჭირდებათ.
ოჯახის მხარდაჭერა დროებითი სირთულეების გადალახვაში დაგეხმარებათ.

მშვილდოსანი

უმჯობესია, თქვენი პირადი ურთიერთობები საიდუმლოდ შეინახოთ, რადგან გარშემო ბევრი შურიანი ადამიანი გყავთ. არ არის გამორიცხული მეზობლებთან კონფლიქტი ყოფით საკითხებზე. გირჩევთ, საკუთარი ინტერესები არ დათმოთ.
ვარსკვლავები გაფრთხილებენ, რომ თქვენთვის გამოცდის პერიოდი ჯერ არ დასრულებულა. ნაჩქარევ და დაუფიქრებელ შენაძენებს მოერიდეთ, თორემ იმედგაცრუებული დარჩებით.
დღის მეორე ნახევარში შეიძლება თავი შეუძლოდ იგრძნოთ – სატურნის ძლიერი ზეგავლენა დაღლილობასა და გაღიზიანებას გამოიწვევს.

თხის რქა

გირჩევთ, რომ საკუთარ თავზე და პირად ცხოვრებაზე დაფიქრდეთ – განსაზღვრეთ რა არ მოგწონთ ურთიერთობებში და რისი შეცვლა გსურთ.
მოსალოდნელია მცირე უთანხმოება ოჯახში, რაც დიდ პრობლემას არ გამოიწვევს, თუმცა განწყობას გაგიფუჭებთ. შანსი გექნებათ, სამსახურში უფროსს გონივრული რჩევით დაეხმაროთ, რაც კარიერული წინსვლის დასაწყისი გახდება. ფინანსურ ოპერაციებში განსაკუთრებული სიფრთხილე გმართებთ, რადგან ვიღაც თქვენს მოტყუებას ცდილობს.
ეცადეთ საკუთარი პრინციპების ერთგული იყოთ და სამყარო ჯანმრთელობით და ენერგიით დაგაჯილდოებთ.

მერწყული

მზად იყავით იმისთვის, რომ პარტნიორის პოზიცია გაიგოთ, შემდეგ კი საკუთარი აზრი ისე გამოხატოთ, რომ არავინ შეურაცხყოთ და დაადანაშაულოთ. ასეთი საუბარი თქვენს კავშირს გააძლიერებს და ურთიერთგაგებას მოიტანს.
ამ დღეს ნათესავი ქალის ან მეგობრის სიტყვებს ნაკლებად უსმინეთ — მათი რჩევები შეიძლება არაგულწრფელი ან მავნებელი იყოს.
დაიცავით თქვენი პრინციპები, თუმცა არც კომპრომისის მნიშვნელობა დაივიწყოთ.
ფინანსურ საკითხებში ინტუიციას ენდეთ — ის არ მოგატყუებთ.

თევზები

თუ ახლა მეორე ნახევრის ძიებაში ხართ, ვარსკვლავები გირჩევენ, იმიჯი შეიცვალოთ. ამასთანავე, ეცადეთ, ცდუნებები დაძლიოთ და ძველი შეცდომები არ გაიმეოროთ.
თქვენი ენერგია იმ სფეროსკენ მიმართეთ, სადაც პასუხისმგებლობის აღების არ გეშინიათ.
თუ სურვილი გაქვთ, დღევანდელი შოპინგი წარმატებული იქნება.
მოსალოდნელია ენერგიისა და სიცოცხლის ძალის ზრდა, რაც თავდაჯერებას შეგმატებთ.