1. Home
  2. TOP სიახლე
  3. 4 აპრილის ასტროლოგიური პროგნოზი
4 აპრილის ასტროლოგიური პროგნოზი

4 აპრილის ასტროლოგიური პროგნოზი

513
0

ვერძი

აქტიური მოქმედებისა და სწრაფი გადაწყვეტილების მიღებისთვის ხელსაყრელი დღეა. შეუპოვრობა და შრომისმოყვარეობა ჩანაფიქრის განხორციელებასა და სოციალური მდგომარეობის გაუმჯობესებაში დაგეხმარებათ. ოჯახური გარემო და ნათესავებთან ურთიერთობა დაგროვილი სტრესისა და დაღლილობისგან გაგათავისუფლებთ.

კურო

ცდილობთ, თქვენი ერთფეროვანი მუშაობა ახალი, კრეატიული მიდგომით გაამდიდროთ. ზოგ შემთხვევაში ეს გაამართლებს, ზოგში კი დიდ პრობლემად გექცევათ. ასე რომ, ფრთხილად იყავით, როდესაც მიჩვეულისგან გადაჩვევას გადაწყვეტთ.

ტყუპები

ამ დღეს ინტუიცია გიკარნახებთ, რა მიმართულებით უნდა იაროთ. ეცადეთ, მოვლენების შუაგულში იტრიალოთ, ახალი ადამიანები გაიცნოთ და სამსახურში იაქტიუროთ. გამორიცხული არ არის, რომ თქვენი დახმარება ძალიან გავლენიან ადამიანს დასჭირდეს და მისგან მადლიერების ნიშნად, მოგებიანი შეთავაზება მიიღოთ.

კირჩხიბი

ხელსაყრელი დღეა ფინანსური და ქონებრივი საკითხების მოსაგვარებლად. სავარაუდოდ, შესაძლებლობა გექნებათ, რომ საკუთარი კეთილდღეობა გააუმჯობესოთ და ქონებრივ სფეროში არსებული პრობლემები მოაგვაროთ. გირჩევთ, ყველა შეთავაზება ან ახალი პროექტი ყურადღებით განიხილოთ – შესაძლოა, მოულოდნელად საინტერესო შესაძლებლობა აღმოაჩინოთ.

ლომი

მოემზადეთ იმისთვის, რომ გაუთვალისწინებელი შემთხვევის გამო გეგმების შეცვლა მოგიწევთ. შესაძლოა, სამყარო სწორ გზას ასე გთავაზობთ და შეცდომებისგან გიცავთ. თამამად დაემშვიდობეთ საგნებს თუ ურთიერთობებს, რომლებიც თქვენს განვითარებას ხელს უშლიან და წინ წადით.

ქალწული

ნუ მისცემთ უცხო ადამიანებს უფლებას, რომ მუშაობაში ხელი შეგიშალონ და გეგმების შეცვლა გაიძულონ. საყვარელი ადამიანების რჩევები ან სურვილები შეიძლება მოისმინოთ და გაითვალისწინოთ, მაგრამ საბოლოო არჩევანი თქვენი მისაღებია. ამ დღეს სიჯიუტე და მოხერხებულობა სარგებელს მოგიტანთ და წარმატების მიღწევაში დაგეხმარებათ.

სასწორი

სასწორებს, რომელთა საქმიანობა შემოქმედებას ან გამოგონებას უკავშირდება, ნაყოფიერი დღე ელით. დროა, სამსახურში თქვენი ახალი იდეები და უჩვეულო პროექტები წარმოადგინოთ, ნუ დაელოდებით, სანამ თქვენი საქმიანობით სხვა ადამიანები ისარგებლებენ. ამ დღეს ერთდროულად რამდენიმე საქმის გაკეთებას შეძლებთ.

მორიელი

ხელსაყრელი დღეა აქტიური მოქმედებისა და ნაყოფიერი მუშაობისთვის. ეცადეთ, საყვარელი ადამიანების მიმართ მეტი ყურადღება და მზრუნველობა გამოიჩინოთ – თქვენმა დაუფიქრებლად ნათქვამმა სიტყვამ შეიძლება ვიღაც ძალიან შეურაცხყოს. სანამ რთული ამოცანის შესრულებას დათანხმდებით, ეცადეთ, საკუთარი შესაძლებლობები რეალისტურად შეაფასოთ – გამორიცხული არ არის, რომ პირობა ვერ შეასრულოთ და კოლეგებს იმედი გაუცრუოთ.

მშვილდოსანი

რთული და დატვირთული დღისთვის უნდა მოემზადოთ – სამუშაოს დიდი მოცულობის გარდა, მოულოდნელად წარმოშობილ სირთულეებთან გამკლავებაც მოგიწევთ. თუ ძვირად ღირებული ნივთის შეძენას გეგმავთ, გირჩევთ ფული წინასწარ არ გადაიხადოთ – არსებობს ფულის დაკარგვის რისკი.

თხის რქა

შესაძლებელია სამსახურში ან ბიზნესსაქმიანობაში მოგებიანი შეთავაზება მიიღოთ. ახალ პროექტში მონაწილეობამ შეიძლება თქვენს პროფესიულ განვითარებას და კარიერულ წინსვლას ხელი შეუწყოს. გირჩევთ, უფრო მოკრძალებულად იცხოვროთ და საკუთარი მიღწევებით ნაკლები იტრაბახოთ – ეს მტრების გაჩენის გარდა, არაფერს მოგიტანთ.

მერწყული

ყოველმხრივ ხელსაყრელი დღეა. პლანეტების განლაგება ჩანაფიქრის განხორციელებაში დაგეხმარებათ. ეცადეთ, ეს შესაძლებლობა ხელიდან არ გაუშვათ, თორემ შანსი დიდხანს აღარ მოგეცემათ. ახალი ურთიერთობა სასარგებლო იქნება და კარგ შემოსავალს მოგიტანთ.

თევზები

კონფლიქტების თავიდან ასაცილებლად, ეცადეთ, ამ დღეს კონტაქტები მინიმუმამდე შეამციროთ. ამ დღის ემოციურმა ფონმა შეიძლება ახლობელ ადამიანებთან ურთიერთობაზე უარყოფითად იმოქმედოს, ამიტომ ეცადეთ, სიმშვიდე შეინარჩუნოთ. შეიძლება საინტერესო იდეა მოგივიდეთ, რომელიც შემოსავლის მიღებაში დაგეხმარებათ.