3 ოქტომბრის ასტროლოგიური პროგნოზი

ვერძი

გირჩევთ, ამ დღეს საყვარელ ადამიანთან მეტი დრო გაატაროთ, მისი პრობლემით დაინტერესდეთ და დახმარება შესთავაზოთ. სამსახურში მოსალოდნელია კამათი როგორც კოლეგებთან, ისე უფროსთან. ეცადეთ, კომპრომისი იპოვოთ და ვითარება უფრო არ გაამწვავოთ.
ძვირად ღირებული ნივთების შეძენამდე კარგად დაფიქრდით, წინააღმდეგ შემთხვევაში შეიძლება დიდი თანხა ტყუილად დახარჯოთ.
ახლა თქვენთვის სასარგებლო იქნება პარაფინოთერაპია, ფიზიკური ვარჯიშები და დატვირთვები, სადაც მთელი სხეულის კუნთები მუშაობს.

კურო

ეს დღე ხელსაყრელია რომანტიკული შეხვედრებისა და საყვარელ ადამიანთან ურთიერთობისთვის, თუმცა საყოფაცხოვრებო საკითხების მოსაგვარებლად არ გამოდგება. თუ მოინდომებთ ადვილად შეძლებთ საერთო ენის გამონახვას სხვა ადამიანებთან, მათ შორის ჯიუტ კოლეგებთან და საყვარელ, მაგრამ სრულიად უდისციპლინო ოჯახის წევრებთან.
ეცადეთ, ადრე დაწყებული პროექტები დაასრულოთ. ელოდეთ დამატებით შემოსავალს ან ახალ შესაძლებლობებს ინვესტიციებისთვის.
ამინდის ცვალებადობამ შეიძლება თავის ტკივილი გამოიწვიოს.

ტყუპები

ეცადეთ, საკუთარ თავს კრიტიკული თვალით შეხედოთ და დაშვებული შეცდომების გამოსწორებაზე იზრუნოთ. გამორიცხული არ არის, ახლობლებთან თქვენი უწესო საქციელის აღიარება და მობოდიშება მოგიწიოთ. მოგებიან წინადადებაზე უარს ნუ იტყვით, თუნდაც სამსახურის შეცვლა მოგიწიოთ.
ეს დღე ფინანსური ცოდნისა და უნარების გაძლიერებისთვის გამოიყენეთ. სწავლა და თვითგანათლება ბიზნესისა და ფინანსური სიტუაციის უკეთ მართვაში დაგეხმარებათ. დღის მეორე ნახევარში ენერგიის მოზღვავებას იგრძნობთ, რაც განწყობას აგიმაღლებთ.

კირჩხიბი

ფინანსურ კუთხით ყველაფერი სტაბილურადაა, მაგრამ შესაძლოა, პირად ცხოვრებაში გარკვეული პრობლემები არსებობს. ეცადეთ იპოვოთ საქმე, რომელიც ბნელ ფიქრებს გაგიფანტავთ. ნეგატიურ გრძნობებს ნუ მისცემთ უფლებას, რომ ხასიათი გაგიფუჭონ.
ამ დღეს უამრავი შეხვედრა და სხვადასხვა თემაზე საუბარი გელით. ინიციატივის გამოჩენა და დაგროვილი საქმეების მოგვარება მოგიწევთ.
ვარსკვლავები გირჩევენ, რომ დაბალანსებული დიეტა და სუნთქვითი ვარჯიშები დაიწყოთ და ხალხმრავალ, დახურულ სივრცეებში ყოფნას მოერიდოთ.

ლომი

შესაძლოა საყვარელი ადამიანის ერთგულებაში ეჭვი შეგეპაროთ. უმნიშვნელო მიზეზის გამო დეპრესიაში ნუ ჩავარდებით. გაუზიარეთ თქვენი ეჭვი პარტნიორს და დარწმუნდებით, რომ ის სრულიად უსაფუძვლოა. გრძელვადიან ურთიერთობებში უძრაობაზე უარესი არაფერია.
გახსოვდეთ, რომ დროის მართვა არის უნარი, რომელიც მუდმივ პრაქტიკას და დისციპლინას საჭიროებს. ფინანსურ მდგომარეობაში მოსალოდნელია დადებითი ცვლილებები, თუმცა მოულოდნელი ხარჯები ან დაგროვილი ვალები მთელ მოგებას შთანთქავს.

ქალწული

თქვენი ამოცანაა უახლოეს დღეებში საყვარელი ადამიანის ძლიერების წყარო გახდეთ. თუ მეორე ნახევარი ჯერ არ გიპოვიათ, მეტი იაქტიურეთ.
მზად იყავით მოსალოდნელი უსიამოვნებებისთვის – ადამიანი, რომელზეც დიდ იმედებს ამყარებდით, დავალებას ვერ გაუმკლავდება.
ზედმეტი სამუშაო საათები უნდა ანაზღაურდეს – ზოგჯერ უფროსისთვის ამის შეხსენება აუცილებელია. ადამიანები, რომლებიც ახლახან გაიცანით, შეიძლება საიმედო დამხმარეებად გექცნენ.
იზრუნეთ გულისა და სისხლძარღვების ჯანმრთელობაზე. თუ დიდი ხანია გეგმავდით კარდიოლოგთან ვიზიტს, სწორედ ახლა ჩაიწერეთ.

სასწორი

საპირისპირო სქესთან ურთიერთობისას უპირატესობა მიანიჭეთ გრძელვადიან კავშირებს. დღე სავსე იქნება სიურპრიზებით, ბევრ სასიამოვნო ადამიანთან მოგიწევთ ურთიერთობა და პოზიტიური ემოციებით დაიმუხტებით. ფინანსურ სფეროში ან კარიერულ ზრდაში სერიოზული ცვლილებები მოსალოდნელი არ არის, შეგიძლიათ ჩვეულ საქმიანობას შეუდგეთ.
დიდი ხანია საცხოვრებელი პირობების გაუმჯობესებაზე ფიქრობთ? დროა ქმედებაზე გადახვიდეთ!
უ ქრონიკული დაავადებები გაქვთ, დიდი ალბათობით, ამ დღეს ისინი გამწვავდება. ეცადეთ თავი აარიდოთ როგორც ემოციურ, ისე ფიზიკურ გადატვირთვას.

მორიელი

საყვარელ ადამიანთან ურთიერთობისას მოუსმინეთ ინტუიციას — ის სწორ გზას გიკარნახებთ. შეგიძლიათ მოჰკიდოთ ხელი ყველაზე თამამ პროექტებს, გრძელვადიანი გეგმები შეადგინოთ. პერსპექტივაზე მუშაობით მიზანს უფრო მეტად უახლოვდებით.
ეს დღე ხელსაყრელია დიდი შენაძენებისთვის, ავეჯისა და სახლის გარემოს შერჩევისთვის, მაგრამ თუ თანხა არ გყოფნით, სჯობს კრედიტის აღებაზე უარი თქვათ.
ახლა თქვენთვის აუცილებელია ენერგეტიკული განტვირთვა. დაგროვილი დაძაბულობა შეიძლება კონფლიქტში გადაიზარდოს, ამიტომ ჯობს, სპორტულ ვარჯიშებს მიჰყოთ ხელი.

მშვილდოსანი

დღე კარგია საქმეებისთვის, რომლებიც სხვების დახმარებას ან საზოგადოებრივ საქმიანობას უკავშირდება. საპირისპირო სქესთან ახლო ურთიერთობები საუკეთესო ფორმით განვითარდება. თუ გეგმების კარდინალურად შეცვლას გადაწყვეტთ, შესაძლოა მოულოდნელ პრობლემებს წააწყდეთ. მინიმუმ — ეს იქნება უთანხმოება მეორე ნახევართან.
შესაძლოა საღამოს ახალი საქმისადმი ინტერესი გაგიჩნდეთ, რომელიც დამატებითი შემოსავლის წყაროდ იქცევა. მალე მოსალოდნელია სოლიდური პრემია.
ყურადღება მიაქციეთ ბოსტნეულის დიეტას — ის ორგანიზმის გაწმენდას შეუწყობს ხელს.

თხის რქა

შესაძლოა გაჩნდეს უთანხმოება ან დაძაბულობა ურთიერთობებში. იყავით დამთმობი და ეცადეთ კომპრომისული გამოსავალი იპოვოთ. დღეს მოერიდეთ კონფლიქტებს და უცნობ ადამიანებთან კამათს. ამ პერიოდში შეგიძლიათ ემოციურ მხარდაჭერაზე ახლობლებს დაეყრდნოთ.
დაგროვილი საქმეები დაუყოვნებლივ მოითხოვს თქვენს ჩართულობას — თუ მათ იგნორირებას განაგრძობთ, ისინი ამოუწურავი პრობლემების წყაროდ იქცევა. დღეს წარმატება გელით სარისკო წამოწყებებში.
სიზმრები წინასწარმეტყველური იქნება — მათი შესრულება მოსალოდნელია.
თუ გაქვთ ქარვისგან დამზადებული რაიმე სამკაული, ატარეთ იგი მთელი დღის განმავლობაში — ეს მოგმატებთ ძალასა და ენერგიას.

მერწყული

თუ ცდილობთ მოაჯადოოთ ადამიანი, რომელმაც თქვენი ყურადღება დაიპყრო, მთავარი წესი დაიცავით — არ აჩვენოთ თქვენი ინტერესი.
მუშაობისა და პირადი ცხოვრების დაკავშირება კატეგორიულად არ არის რეკომენდებული! ასტროლოგები ამტკიცებენ, რომ ასეთი მიდგომა მხოლოდ პრობლემებს მოგიტანთ.
დღეს თქვენი ინტუიცია ძალიან ძლიერია და ნუ უგულებელყოფთ მის სიგნალებს!
ნუ გადატვირთავთ ორგანიზმს ფიზიკურად, დაიცავით თქვენი გული.

თევზები

მარტოხელა თევზებს თაყვანისმცემლები არ მოაკლდებათ!
ახლა არ ღირს უფროსი ნათესავების რჩევების გათვალისწინება — მათი დასკვნები მცდარია.
ვარსკვლავები გირჩევენ, მოერიდოთ ზედმეტ გულახდილობას ნაკლებად ნაცნობ ადამიანებთან. განსაკუთრებით ნუ განიხილავთ ოჯახურ პრობლემებს.
გამოიჩინეთ სიმტკიცე და დაიცავით თქვენი პოზიცია, თუნდაც კამათის დროს — ეს თქვენს ავტორიტეტს განამტკიცებს, განსაკუთრებით სამსახურში.
თქვენ თავად შეგიძლიათ მართოთ სიტუაცია თქვენი სურვილისამებრ — საკმარისია ამის მხოლოდ გულწრფელად მონდომება.