29 აპრილის ასტროლოგიური პროგნოზი

ვერძი

შესაძლოა, სამსახურში უფროსმა ან სახლში უფროსმა ნათესავმა თქვენს ნერვებს გამოცდა მოუწყოს, მაგრამ დაწყებული საქმის დასრულებას მაინც შეძლებთ. გათავისუფლდით უსიამოვნო ფიქრებისგან და მოერიდეთ გარშემო მყოფებთან კამათს – ეს ძალიან ბევრ ენერგიას გართმევთ.

კურო

უიმედო განწყობას ნუ გააფუჭებინებთ ამ დღეს. ჩანაფიქრს აუცილებლად განახორციელებთ, მაგრამ შურიან ადამიანებს უნდა მოერიდოთ. დატვირთული განრიგის მიუხედავად, დასვენებისთვის დრო უნდა გამონახოთ. გახსოვდეთ, რომ დიდი შინაგანი ძალა გაქვთ და თქვენი ნებაა, ამით ისარგებლებთ თუ არ ისარგებლებთ.

ტყუპები

სამსახურში მოსალოდნელია ცვლილებები, რომლებიც, დიდი ალბათობით, დადებითი იქნება. ეცადეთ, ემოციები აკონტროლოთ და უსაფუძვლო ეჭვებით საყვარელი ადამიანი არ გააღიზიანოთ. ამის ნაცვლად, შეგიძლიათ საერთო საქმე გამონახოთ და ერთმანეთთან სიახლოვით ისიამოვნოთ. შეიძლება ერთ-ერთი მეგობრის მიმართ თქვენი დამოკიდებულება შეიცვალოს. გაითვალისწინეთ, რომ ეს დღე მეგობრული შეხვედრებისთვის არახელსაყრელია.

კირჩხიბი

29 აპრილს კოლეგებთან ურთიერთობაში სირთულეები გელით. სავარაუდოდ, ერთმანეთს ვერ გაუგეთ, რამაც შეცდომა გამოიწვია. ეცადეთ, სიმშვიდე შეინარჩუნოთ და სიტუაცია გააანალიზოთ. ფინანსურ საკითხებში მეტი სიფრთხილე უნდა გამოიჩინოთ – მოერიდეთ ძვირად ღირებული ნივთების შეძენას და სარისკო ინვესტიციებს.

ლომი

ამ დღეს თქვენი შეხედულებები კოლეგების ან ხელმძღვანელობის აზრებისგან შეიძლება რადიკალურად განსხვავდებოდეს. საქმე რომ კონფლიქტამდე არ მივიდეს, უმჯობესია უმრავლესობის აზრს დაეთანხმოთ. გამოიყენეთ ეს დღე საკუთარ თავში გარკვევისთვის და მიხვდებით, რას ელით ცხოვრებისგან.

ქალწული

ნუ დაკარგავთ დროს უსარგებლო საუბრებზე, მით უმეტეს, რომ ამას თქვენთვის, გაღიზიანების გარდა, არაფერი მოაქვს. თითქმის უმნიშვნელო შემთხვევის გამო შეიძლება ახლობელი ადამის მიმართ დამოკიდებულება შეიცვალოთ. თუ თქვენს ცხოვრებაში ჩიხური ვითარება არსებობს, ეს დღე მისგან გათავისუფლების შანსს მოგცემთ.

სასწორი

ნუ აჩქარდებით. მნიშვნელოვანია, რომ ყველაფერი წინასწარ დაგეგმოთ. ეცადეთ, რეალისტურად იაზროვნოთ და მიუწვდომელი მიზნები არ დაისახოთ. საყვარელ ადამიანთან მცირე უთანხმოება გელით. მოთმინება და თავშეკავება გამოიჩინეთ, რათა შეთანხმება შეძლოთ. ეცადეთ, მავნე ჩვევისგან გათავისუფლდეთ, რომელიც ცხოვრებაში ხელს გიშლით.

მორიელი

გირჩევთ, ყველას ბრმად არ ენდოთ. ყურადღებას თუ მოადუნებთ, შეიძლება ბევრი შეცდომა დაუშვათ. თუ გრძნობთ, რომ დაიღალეთ, შვებულება უნდა დაგეგმოთ და ძალები აღიდგინოთ. ეცადეთ, საკუთარი ან სხვა ადამიანის საიდუმლო არ გაამხილოთ და ზოგადად, ამ დღეს ურთიერთობებში ნაკლებად გულწრფელი უნდა იყოთ.

მშვილდოსანი

ნუ იჩქარებთ – როდესაც საქმე მნიშვნელოვან შეხვედრას ეხება, საგულდაგულოდ უნდა მოემზადოთ. მშვენიერი დღეა ფინანსური საკითხების მოსაგვარებლად. სავარაუდოდ, ცუდი განწყობა დაღლილობის მანიშნებელია, ამიტომ დასვენების დრო უნდა იპოვოთ. გაუღიმეთ სამყაროს და ისიც გაგიღიმებთ.

თხის რქა

ამ დღეს ახლობელ ადამიანებთან საერთო ენის პოვნა გიჭირთ, სამაგიეროდ, საქმიანი ვიზიტები, მოლაპარაკებები და მნიშვნელოვანი შეხვედრები წარმატებით ჩაივლის. შოპინგისთვის არახელსაყრელი დღეა, ამიტომ საოჯახო ნივთების შეძენა სამომავლოდ უნდა გადადოთ. ეცადეთ ემოციები აკონტროლოთ და თანამოსაუბრე უმიზეზოდ არ აკრიტიკოთ.

მერწყული

შეცდომის გამოსარიცხად ამ დღეს ინფორმაცია რამდენჯერმე უნდა გადაამოწმოთ. გაუფრთხილდით საკუთარ დროს, ენერგიას და ნერვებს. მშვიდად იმუშავეთ. ჯობს, მნიშვნელოვანი გადაწყვეტილებები სამომავლოდ გადადოთ, წინააღმდეგ შემთხვევაში შეიძლება რთულ მდგომარეობაში აღმოჩნდეთ.

თევზები

ამ დღეს შეძენილი ნივთი იმედებს გაგიცრუებთ. საქმიანი ურთიერთობა სასურველ შედეგებს მოგიტანთ. გართობისა და დასვენებისთვის არახელსაყრელი დღეა, ამიტომ ჯობია, რამე სასარგებლო გააკეთოთ.