28 თებერვლის ასტროლოგიური პროგნოზი
ვერძი
ამ დღეს ახლობლებთან ურთიერთობაში განსაკუთრებული სიფრთხილე უნდა გამოიჩინოთ. დაღლილობა და კვირის მანძილზე დაგროვილი დაძაბულობა შეიძლება თქვენს რეაქციაზე აისახოს და ემოციები მკვეთრად გამოხატოთ. აკონტროლეთ საკუთარი ემოციები, რათა უბრალო კამათი სერიოზულ კონფლიქტში არ გადაიზარდოს. ეს განსაკუთრებით ოჯახურ საკითხებს ეხება – შეეცადეთ, შენიშვნა ზედმეტად მკაცრად არ აღიქვათ და გაუგებრობები თავიდან აიცილოთ.
რჩევა: ამ დღეს სანამ რამეს იტყვით, შესაძლო შედეგებზე დაფიქრდით.
კურო
იდეალური დღეა დასვენებისა და ძალების აღსადგენად. ეცადეთ, დატვირთვა შეამციროთ და თავს ცოტა განტვირთვის უფლება მისცეთ. მნიშვნელოვანია, რომ მუშაობასა და პირად ცხოვრებას შორის წონასწორობა შეინარჩუნოთ. დროა, საკუთარ ჩვევებს გადახედოთ და დაფიქრდეთ, რა განიჭებთ ნამდვილ სიამოვნებას.
რჩევა: მიეცით საკუთარ თავს დასვენების უფლება. ზოგჯერ შრომის ნაყოფიერების გასაზრდელად საუკეთესო გზა სწორედ დროული შესვენებაა.
ტყუპები
ამ დღეს წვრილმანებს განსაკუთრებული ყურადღება უნდა მიაქციოთ. შესაძლებელია, ერთდროულად რამდენიმე დავალების შესრულება მოგიწიოთ, ამიტომ ყურადღების შენარჩუნება განსაკუთრებით მნიშვნელოვანია. თუ სამომავლოდ გადადებული საქმეები დაგიგროვდათ, ახლა შესაფერისი დროა, რომ მათ დასრულებაზე იზრუნოთ. პირად ცხოვრებაში შესაძლოა, უკმაყოფილებამ იმატოს – ვიღაცას თქვენი მოუცლელობა ძალიან არ მოსწონს.
რჩევა: არ დაგავიწყდეთ, რომ თქვენი ყურადღება მხოლოდ საქმეებს კი არა, ირგვლივ მყოფ ადამიანებსაც სჭირდებათ.
კირჩხიბი
ენერგიით სავსე ხართ და შეგიძლიათ, დაგროვილ საქმეებს გაუმკლავდეთ. ბოლო დროს მნიშვნელოვან დავალებებს გვერდს უვლიდით, მაგრამ ახლა დროა, რომ დაწყებული ბოლომდე მიიყვანოთ. თუ საქმე ძალიან რთულად გეჩვენებათ, სცადეთ, ეტაპებად დაყოთ. მთავარია, გარშემო მყოფებმა ყურადღება არ გაგიფანტონ და ემოციებს არ აჰყვეთ.
რჩევა: დისციპლინა თქვენი მთავარი მოკავშირეა — წარმატების მიღწევაში სწორედ ის დაგეხმარებათ.
ლომი
ახლა შესაფერისი დროა, რომ პრობლემის მიზეზს ჩასწვდეთ და გამოსავალი იპოვოთ. მთავარია, იმპულსურად არ იმოქმედოთ და თქვენი აზრი სხვებს თავზე არავის მოახვიოთ. ყურადღებით მოუსმინეთ თქვენს თანამოსაუბრეს და შეეცადეთ, მისი თვალსაზრისი გაიგოთ. თუ უსარგებლო დისკუსიებს არ აჰყვებით სამსახურში, დღე მშვიდად ჩაივლის.
რჩევა: დაფიქრდით, სხვისი პრობლემები ნამდვილად გაღელვებთ? თუ არა, სიბრძნე და მოთმინება გამოიჩინეთ, რათა ზედმეტი კონფლიქტები თავიდან აიცილოთ.
ქალწული
თუ პარტნიორი უცნაურად იქცევა ან საკუთარ გრძნობებში გარკვევა გიჭირთ, ნაჩქარევ დასკვნებს ნუ გამოიტანთ — უკეთესია, სიტუაცია მშვიდად განიხილოთ და გაიგოთ, რეალურად რა ხდება. პროფესიულ სფეროში დღე მშვიდად ჩაივლის, თუმცა დღის ბოლოს შეიძლება რომელიმე კოლეგამ შეცდომა დაუშვას, რაც თქვენზეც მოახდენს გავლენას.
რჩევა: თუ ურთიერთობებში შემაშფოთებელი ნიშნები გაჩნდა, ჯობია, ყველაფერი ახლავე გაარკვიოთ, ვიდრე ემოციები დაგროვდება.
სასწორი
შესაძლოა, ადამიანის მიმართ, რომელსაც ადრე ენდობოდით, დამოკიდებულება შეცვალოთ. მნიშვნელოვანია, რომ ნაჩქარევი დასკვნები არ გამოიტანოთ და პროვოკაციებს არ აჰყვეთ. კარგი იქნება, ვიდრე საბოლოო გადაწყვეტილებას მიიღებთ, სიტუაციას დააკვირდეთ. თუ დროს უსარგებლო საუბრებზე არ დაკარგავთ, სამსახურში დღე სტაბილურად ჩაივლის.
რჩევა: ყურადღება მიაქციეთ თქვენს გარემოცვას – ზოგჯერ ადამიანები ნამდვილ სახეს მოულოდნელად გვაჩვენებენ.
მორიელი
ამ დღეს თქვენი პირადი ცხოვრება მნიშვნელოვან მოვლენებს უკავშირდება. ეცადეთ, საყვარელ ადამიანს მეტი დრო დაუთმოთ, რადგან თქვენი მხარდაჭერა განსაკუთრებით სჭირდება. თუ გრძნობთ, რომ ურთიერთობებში რაღაც რიგზე არ არის, ეცადეთ მიზეზი გაარკვიოთ. სამსახურში კი უკეთესი იქნება, თუ ზედმეტ პასუხისმგებლობას არ აიღებთ.
რჩევა: სიყვარულში გულწრფელობა მნიშვნელოვანია. თუ რამე გაწუხებთ, ამაზე გულწრფელად უნდა ისაუბროთ.
მშვილდოსანი
ახლა ემოციური გადაწყვეტილებებისა და გაუაზრებელი ნაბიჯებისთვის საუკეთესო დრო არ არის. თუ მნიშვნელოვანი საქმეები გაქვთ, უმჯობესია, ყველაფერი კარგად დაგეგმოთ და ცივი გონებით იმოქმედოთ. თუ ზედმეტ მოლოდინებს არ შეიქმნით, პირად ცხოვრებაში სიმშვიდე იქნება.
რჩევა: იმოქმედეთ გააზრებულად. დღეს განსაკუთრებით მნიშვნელოვანია, რომ ემოციებს არ აჰყვეთ.
თხის რქა
თუ ვინმეს პატიოსნებაში ეჭვი გეპარებოდათ, დღეს საკუთარი ეჭვების დადასტურებას შეძლებთ. ამ დღეს მთავარია, საკუთარი საქმე მშვიდად აკეთოთ და სხვა ადამიანების კამათში არ ჩაერიოთ. ცდილობთ, მშვიდობისმყოფელის როლი მოირგოთ, მაგრამ შეიძლება პირიქით, დაპირისპირება გაამძაფროთ.
რჩევა: მეგობრობას დრო გამოცდის. ყურადღებით დააკვირდით თქვენს გარემოცვას და შეიძლება ბევრი საინტერესო რამ აღმოაჩინოთ.
მერწყული
თუ თქვენს პირად ურთიერთობაში დაძაბულობა იგრძნობა, დროა, მიზეზი გაარკვიოთ და კომპრომისი იპოვოთ. სხვა საქმეებში კი გირჩევთ, დამკვირვებლის პოზიციას დასჯერდეთ და მოვლენები თვითდინებაზე მიუშვათ. პანიკაში ნუ ჩავარდებით თუ რაღაც ისე არ ხდება, როგორც გსურთ და ნურც ბედს დაემდურებით.
რჩევა: მნიშვნელოვან საუბრებს სამომავლოდ ნუ გადადებთ– ახლა ხელსაყრელი დროა, რომ ყურთიერთობა დაალაგოთ.
თევზები
ზრუნვის პატარა გამოხატვაც კი თქვენს ურთიერთობებს მნიშვნელოვნად გაამყარებს. ხელსაყრელი დღეა ოჯახური საკითხებისა და სამომავლო გეგმების განსახილველად. სამსახურში ზედმეტ ვალდებულებებს თავი უნდა მოარიდოთ. იმ საკითხის მოგვარებას, რომელიც ბოლო დროს გაწუხებთ, ძველი ნაცნობების დახმარებით შეძლებთ.
რჩევა: ოჯახი თქვენი მთავარი საყრდენია – გამოიჩინეთ ყურადღება და სანაცვლოდ მეტ სიყვარულს და მხარდაჭერას მიიღებთ.
