25 ნოემბრის ასტროლოგიური პროგნოზი

ვერძი

ხელსაყრელი დღეა ახალი ცოდნის მიღებისთვის. შესაძლოა, მეგობრებმა დახმარება გთხოვონ. ეცადეთ დრო გამონახოთ და დაეხმაროთ. დღის მეორე ნახევარში მოსალოდნელია სტრესული სიტუაცია. ეცადეთ, სიმშვიდე შეინარჩუნოთ. თუ ვინმესთან შერიგებას და მობოდიშებას აპირებთ, უკეთეს დროს ვერ იპოვით.

კურო

ეცადეთ, პირად ურთიერთობებს მეტი ყურადღება მიაქციოთ. გამონახეთ დრო, რომ საყვარელ ადამიანს გულწრფელად ესაუბროთ და საკუთარი გამოცდილება გაუზიაროთ. ვარსკვლავები გირჩევენ, რომ მეორეხარისხოვან საკითხებზე დრო არ დაკარგოთ. სავარაუდოდ, რთული არჩევანის გაკეთება მოგიწევთ, რაზედაც მომავალში ბევრი რამ იქნება დამოკიდებული.

ტყუპები

ამ დღეს შეგიძლიათ მოდუნდეთ და დაისვენოთ, დიდხანს იძინოთ, ლოგინში ინებივროთ, საყვარელ ფილმს უყუროთ და გარშემო ყველა საზრუნავი დაივიწყოთ. ამჟამად თქვენს სხეულს დასვენება და ემოციური „რესტარტი“ სჭირდება. თუ მუშაობა გიწევთ, ნუ აჩქარდებით, თქვენთვის კომფორტული ტემპით იმოქმედეთ. სანამ გადაწყვეტილებას მიიღებთ, თქვენი აზრები და გეგმები უნდა დაალაგოთ.

კირჩხიბი

ამ დღეს მნიშვნელოვანი გადაწყვეტილების მიღებამდე მოსალოდნელი რისკები და შედეგები უნდა გაითვალისწინოთ. ურთიერთობაში მოსალოდნელია უსიამოვნო ინციდენტი, თუმცა იუმორის გრძნობა სიტუაციის განმუხტვაში დაგეხმარებათ. ნუ დაივიწყებთ პირობას, რომელიც ახლობელ ადამიანს მიეცით. ახლა მისი შესრულების დროა.

ლომი

დროს ტყუილად ნუ დაკარგავთ და დაასრულეთ საქმე, რომელსაც მუდმივად სამომავლოდ ინახავდით. ვარსკვლავები წარმატებულ და საინტერესო დღეს გპირდებიან. მთავარია, ამ შანსით ისარგებლოთ. აკონტროლეთ საკუთარი ემოციები, რათა თქვენთვის მნიშვნელოვანი ურთიერთობები არ გააფუჭოთ. საღამოს გარშემო მყოფებთან ურთიერთობა გაადვილდება და შესაძლოა, ყველასთვის მისაღები გადაწყვეტილების პოვნაც შეძლოთ.

ქალწული

სასურველია ეს უქმე დღე მართლაც უსაქმურობაში გაატაროთ და მთელი ყურადღება საკუთარ სურვილებსა და საჭიროებებს დაუთმოთ. ნუ უპასუხებთ საქმიან ზარებს და ნუ იფიქრებთ სამუშაო პრობლემებზე. სრული უფლება გაქვთ, რომ განმარტოებით მოდუნდეთ ან მეგობრებთან ერთად გაერთოთ.

სასწორი

გაითვალისწინეთ, რომ ეს დღე ურთიერთობების გასარკვევად არ გამოდგება. გააკეთეთ ისეთი რამ, რაც სიხარულს მოგანიჭებთ და თქვენს ფიზიკურ და ემოციურ მდგომარეობას მოუხდება. შეეცადეთ, რომ წლის ბოლოს დროც და ფინანსებიც უფრო რაციონალურად ხარჯოთ.

მორიელი

თქვენი საქმიანი ურთიერთობები ძალიან სწრაფად ვითარდება, ამიტომ მნიშვნელოვანია, ყველა ცვლილებას თვალი ადევნოთ და ახალი შესაძლებლობებით ისარგებლოთ. ვარსკვლავები გირჩევენ, რომ ჩამოწეროთ იდეები, რომლებიც თავში მოგივათ – შეიძლება ზოგი მათგანი მალე განხორციელდეს და კარგი მოგება მოგიტანონ.

მშვილდოსანი

ამ დღეს ყველაზე მეტად უწესრიგობა გაღიზიანებთ და ცდილობთ ყველა ნივთს თავისი ადგილი მიუჩინოთ. მშვენიერი დღეა სახლის დალაგებისა და პირად ურთიერთობებზე ფიქრისთვის. შესაძლოა, რაღაცაზე უარის თქმა მოგიწიოთ. თუ ასე მოხდა, ეცადეთ, უარყოფითი გამოცდილება წარსულში დატოვოთ და ცხოვრება სუფთა ფურცლიდან დაიწყოთ.

თხის რქა

გადადგით რამდენიმე ნაბიჯი თქვენი ოცნებისკენ, გეგმა შეიმუშავეთ და იპოვეთ ადამიანები, რომლებიც მის განხორციელებაში დაგეხმარებიან. თქვენს ცხოვრებაში მალე დიდი ცვლილებები მოხდება და მზადება ახლავე უნდა დაიწყოთ. ენერგიით სავსე ხართ და შეგიძლიათ რამდენიმე საქმეს ერთდროულად გაუმკლავდეთ. საღამოს მოულოდნელი სიახლეებს მიიღებთ, მაგრამ დასკვნების გამოტანამდე ინფორმაცია უნდა გადაამოწმოთ.

მერწყული

ამ დღეს თქვენი ენერგეტიკული დონე დაბალია, ამიტომ რთულ დავალებებს უნდა მოერიდოთ. წინააღმდეგ შემთხვევაში, დაწყებული საქმის შუა გზაზე მიტოვება მოგიწევთ, რაც იმედგაცრუებას და ნერვიულობას გამოიწვევს. პირად ურთიერთობებში ეცადეთ, უფრო რბილი და დამთმობი იყოთ და უსიამოვნო თემებს მოერიდოთ.

თევზები

გირჩევთ, დილიდან პრიორიტეტები განსაზღვროთ და მხოლოდ ის აკეთოთ, რაც ყველაზე კარგად გამოგდით. ყველაფრის ერთდროულად კეთების სურვილმა შეიძლება საპირისპირო შედეგებამდე მიგიყვანოთ. ნუ ეცდებით ოპონენტებზე ზეწოლას და მათ აზრს პატივი ეცით.