25 აპრილის ასტროლოგიური პროგნოზი

ვერძი

გირჩევთ, მოგზაურობა სამომავლოდ გადადოთ, რადგან დღეს ასეთ აქტივობას შესაძლოა, დაძაბულობა და კონფლიქტები მოჰყვეს. სასურველია, რომ მთელი დღე ოჯახურ გარემოში, საყვარელ ადამიანებთან ერთად გაატაროთ. კლასიკური ლიტერატურა და სასიამოვნო მუსიკა სამუშაო დღის შემდეგ განტვირთვაში დაგეხმარებათ. ყურადღება მიაქციეთ სიზმრებს — შესაძლოა, ზოგი წინასწარმეტყველური იყოს და მნიშვნელოვანი ცვლილებების შესახებ გამცნოთ.

კურო

ამ დღეს ყველა იდეა, რომელიც თავში მოგივათ, წარმატებული იქნება. შემოქმედებითი პროფესიის ადამიანებმა შეიძლება დაფარული პოტენციალი გამოავლინონ და გარშემო მყოფები გააოცონ. აჩქარებას შეიძლება სერიოზული შეცდომები მოჰყვეს, ამიტომ გირჩევთ, სამსახურში ნებისმიერ წვრილმანს ყურადღება მიაქციოთ. ყველაფერი, რასაც დღეს წამოიწყებთ, თქვენთვის და გარშემომყოფებისთვის ნამდვილი აღმოჩენა გახდება.

ტყუპები

მშვენიერი დღეა მავნე ჩვევებისგან გათავისუფლებისა და სასარგებლო ჩვევების ჩამოსაყალიბებლად. მიაქციეთ ყურადღება ჯანმრთელობას — თავის ხშირი ტკივილები გადაღლილობასა და სტრესზე მიანიშნებს. ახლა სპორტი თქვენთვის საუკეთესო გამოსავალია. ეცადეთ, მეგობრები აიყოლიოთ და დილაობით სირბილი დაიწყოთ — ამ დღეს ყველაფერი მარტივად გამოგივათ.

კირჩხიბი

ამ დღეს იმდენი ენერგია და შესაძლებლობა გაქვთ, რომ მზად ხართ, მთები გადადგათ. ყველაზე ამბიციური მიზნების მისაღწევად უკვე საკმარისი გამოცდილება დაგიგროვდათ. ბოლო დროს თუ ბევრს შრომობდით და ოჯახს ნაკლებ დროს უთმობდით, დროა, ეს ვითარება გამოასწოროთ. სავარაუდოდ, დღის მეორე ნახევარში სარფიან საქმიან შეთავაზებას მიიღებთ და ხელიდან არ უნდა გაუშვათ.

ლომი

შესანიშნავი დღეა პროფესიული საკითხების მოსაგვარებლად, თუმცა პირად ცხოვრებაში ყველაფერი ისე მარტივად არ არის, როგორც გსურდათ. ნუ ეცდებით ვინმეს გადარწმუნებას, მალე თავად მიხვდებიან, სად ცდებოდნენ. დღის მეორე ნახევარში ეცადეთ, თავი რაღაც გემრიელით ან სასიამოვნოთი გაინებივროთ და ცოტა ხნით პრობლემები დაივიწყოთ.

ქალწული

დადგა დრო, ცხოვრებით დატკბეთ — ეს ნამდვილად დაიმსახურეთ. გამონახეთ დრო საკუთარ ჯანმრთელობას და სავარჯიშო დარბაზში ან იოგაზე დარეგისტრირდით. ახლა მნიშვნელოვანია შინაგანი წონასწორობა აღიდგინოთ, რათა წარსულის წყენამ უკან არ დაგაბრუნოთ. ეცადეთ, დღე ისე დაგეგმოთ, რომ მასში როგორც მუშაობის, ისე დასვენების დრო დარჩეს.

სასწორი

სასწორებო, ვარსკვლავები გირჩევენ, გააცნობიეროთ, რომ ყველაფერი თქვენზე არ არის დამოკიდებული. ისწავლეთ ნდობა — ზოგჯერ საკმარისია მხარდაჭერა და კეთილგანწყობა, რომ საქმეები სწორად წარიმართოს. გაატარეთ დრო ბუნებაში ან იპოვეთ ჰობი, რომელიც განტვირთვაში დაგეხმარებათ. ამ დღეს პიროვნული თვისებების წყალობით გარშემო მყოფების კეთილგანწყობას ადვილად მოიპოვებთ.

მორიელი

ამ დღეს შესაძლებლობა გექნებათ, პროფესიულ ან პირად საკითხებში თავი გამოიჩინოთ. პასუხისმგებლობის ნუ შეგეშინდებათ — გარშემომყოფების მხარდაჭერას აუცილებლად მიიღებთ. ერიდეთ აგრესიას და გადაჭარბებულ ემოციებს — დღეს თქვენი სიძლიერე სიმშვიდეა.საღამო ხელსაყრელი დროა მეგობრებთან შეხვედრისთვის ან საყვარელ ადამიანთან დროის გასატარებლად.

მშვილდოსანი

ამ დღეს შეიძლება მოულოდნელი ინფორმაცია მიიღოთ, რომელიც გეგმების გადახედვას გაიძულებთ. ცვლილებები ნუ შეგაშინებთ — შესაძლოა, მათ უკეთესისკენ გიბიძგოთ. კომუნიკაცია დღეს გადამწყვეტ როლს ითამაშებს. ეცადეთ, ემოციები აკონტროლოთ, რათა ახლობელ ადამიანებთან ურთიერთობა ურთიერთბრალდებებით და კონფლიქტით არ დასრულდეს.

თხის რქა

თხის რქებისთვის ეს დღე სერიოზულ გადაწყვეტილებებს უკავშირდება. შანსი გექნებათ, კარიერულ ან პირად ცხოვრებაში მნიშვნელოვანი ნაბიჯი გადადგათ. მთავარია, ყველაფერი კარგად გააანალიზოთ და ემოციებით არ იხელმძღვანელოთ. ცვლილებებისა და ექსპერიმენტებისთვის არახელსაყრელი დღეა, ამიტომ ძველი და კარგად დადასტურებული მეთოდებით უნდა იმოქმედოთ.

მერწყული

მერწყულებისთვის ეს დღე შთაგონებით და უჩვეულო იდეებით სავსეა. იფიქრეთ პროექტზე, რომლის განხორციელებას დიდი ხანია გეგმავთ — მის დასაწყებად იდეალური დღეა. ფინანსურ საკითხებში ფრთხილად უნდა იყოთ. მოერიდეთ საეჭვო გარიგებებს — შესაძლოა, თაღლითების მსხვერპლი გახდეთ.

თევზები

ამ დღეს სჯობს საკუთარი სიამოვნებისთვის დრო გამონახოთ და ზედმეტი ვალდებულებები გვერდზე გადადოთ. მალე ცვლილებები თქვენი ცხოვრების ყველა სფეროს შეეხება, განსაკუთრებით, პირად ცხოვრებას. სასიყვარულო ურთიერთობა მალე ახალ საფეხურზე გადავა. თქვენი მოლოდინი გამართლდება, ჯილდოდ კი საკუთარ თავთან და გარშემო მყოფებთან ჰარმონიულ ურთიერთობას მიიღებთ.