2025 წლის “ოქროს ბუცის” მფლობელი კილიან მბაპე გახდა
2024/25 წლების სეზონის “ოქროს ბუცი” კილიან მბაპემ მოიგო.
“რეალის” ფორვარდმა ლა ლიგაში თავის სადებიუტო სეზონში 31 გოლი გაიტანა.
მბაპეს დაწევი შანსი სალაჰს ჰქონდა, მაგრამ პრემიერლიგის ბოლო ტურში საჭირო სამი გოლის ნაცვლად მხოლოდ ერთი გაიტანა.
ფრანგმა ესპანეთის ჩემპიონატის ბომბარდირობაში რობერტ ლევანდოვსკის 4 გოლით გაასწრო. პოლონელს ბოლო ტურში 6 გოლი სჭირდებოდა კილიანის დასაწევად და დუბლით დაკმაყოფილდა.
აღსანიშნავია, რომ მბაპე “რეალის” მხოლოდ მესამე ფეხბურთელია, ვინც “ოქროს ბუცს” დაეუფლა – უგო სანჩესისა (1990) და კრიშტიანო რონალდოს (2011, 2014, 2015) შემდეგ.
“ოქროს ბუცის” 2024-25 TOP20
| 1. კილიან მბაპე (რეალი) | 62 (31×2.0) |
| 2. ვიქტორ დიოკერეში (სპორტინგი) | 58.5 (39×1.5) |
| 3. მოჰამედ სალაჰი (ლივერპული) | 58 (29×2.0) |
| 4. რობერტ ლევანდოვსკი (ბარსელონა) | 54 (27×2.0) |
| 5. ჰარი კეინი (ბაიერნი) | 52 (26×2.0) |
| 6. მატეო რეტეგი (ატალანტა) | 50 (25×2.0) |
| 7. ალექსანდერ ისაკი (ნიუკასლი) | 46 (23×2.0) |
| 8. ერლინგ ჰალანდი (მანჩესტერ სიტი) | 44 (22×2.0) |
| 8. ომარ მარმუში (აინტრახტი/სიტი) | 44 (22×2.0) |
| 9. მიკა ბირეტი (შტურმი/მონაკო) | 42.5 (24×2) |
| 10. ეფტიმიოს კულურისი (პოგონი) | 42 (28×1.5) |
| 10. უსმან დემბელე (პსჟ) | 42 (21×2.0) |
| 10. სერუ გირასი (დორტმუნდი) | 42 (21×2.0) |
| 10. პატრიკ შიკი (ლევერკუზენი) | 42 (21×2.0) |
| 10. მეისონ გრინვუდი (მარსელი) | 42 (21×2.0) |
| 10. ანტე ბუდიმირი (ოსასუნა) | 42 (21×2.0) |
| 17. კრის ვუდი (ნოტინგემი) | 40 (20×2.0) |
| 17. ბრაიან მბუემო (ბრენტფორდი) | 40 (20×2.0) |
| 17. ალექსანდერ სორლოტი (ატლეტიკო) | 40 (20×2.0) |
| 20. იოან ვისა (ბრენტფორდი) | 38 (19×2.0) |
| 20. აიოსე პერესი (ვილიარეალი) | 38 (19×2.0) |
| 20. მოიზე კინი (ფიორენტინა) | 38 (19×2.0) |
“ოქროს ბუცი” გადაეცემა სეზონში ევროპის ეროვნული ჩემპიონატების საუკეთესო ბომბარდირს. გატანილი გოლების რაოდენობა მრავლდება კონკრეტული ჩემპიონატის სირთულის კოეფიციენტზე (1.0, 1.5, 2.0). უმაღლესი კოეფიციენტი (2.0) აქვთ TOP5 ქვეყნების (ინგლისი, იტალია, ესპანეთი, გერმანია, საფრანგეთი) ჩემპიონატებს.
