12 სექტემბრის ასტროლოგიური პროგნოზი

ვერძი

ეს დღე ახალი პროექტების დასაწყებად არახელსაყრელია. უმჯობესია კოლეგების თხოვნა და საკუთარი პირობა გაიხსენოთ და დაწყებული საქმეების დასრულებაზე იზრუნოთ. წინააღმდეგ შემთხვევაში შეიძლება მათი პატივისცემა დაკარგოთ და სამსახურში ურთიერთობები გააფუჭოთ. გირჩევთ ახლობლებს მეტი დრო დაუთმოთ — ისინი თქვენს დახმარებასა და მხარდაჭერას ძალიან საჭიროებენ. დროა პარტნიორის ნდობა და მისი მოსმენა ისწავლოთ. ეცადეთ ერთმანეთს ურთიერთბრალდებების და საყვედურების გარეშე, მშვიდად ესაუბროთ. წინააღმდეგ შემთხვევაში, წინ ძალიან რთული პერიოდი გელით.

კურო

ეს დღე ორმაგად დატვირთულია. დილიდან თავს უამრავი საქმე დაგატყდებათ, რომელთა გადასაჭრელად სხვისი დახმარება დაგჭირდებათ. შუადღის შემდეგ სირთულეები უკან დაიხევს და დასვენებას შეძლებთ. შესანიშნავი დროა ფინანსური მდგომარეობის გასაუმჯობესებლად. უარს ნუ იტყვით ახალ ნაცნობობაზე — მომავალში მას შეიძლება წარმატებული პარტნიორობა და თქვენი საქმის აყვავება მოჰყვეს. საღამო უმჯობესია მშვიდ, ოჯახურ გარემოში გაატაროთ.

ტყუპები

ამ დღის მთავარი ამოცანა მოჭარბებული ემოციების დაძლევაა. ყველაზე რთულ და გაურკვეველ სიტუაციებშიც კი ეცადეთ სიმშვიდე არ დაკარგოთ – პრობლემების გადაჭრას და არეულობის თავიდან აცილებას მხოლოდ ასე შეძლებთ. დაგროვილი სტრესისა და დაძაბულობის მოსახსნელად გირჩევთ, საღამოს სპორტდარბაზს ეწვიოთ ან, უბრალოდ, სუფთა ჰაერზე გაისეირნოთ. პირად ცხოვრებაში რთული პერიოდი გაქვთ. მიზეზი შეიძლება ურთიერთობის გაციება, უმიზეზო ეჭვიანობა და უსამართლო ბრალდებები იყოს. ეცადეთ მოთმინება გამოიჩინოთ. თუ ამ დღის ღირსეულად გადატანას შეძლებთ, საბოლოოდ ურთიერთგაგებასა და სიყვარულს მიიღებთ.

კირჩხიბი

თუ სიზარმაცეს დაძლევთ, შეიძლება პროფესიულ საქმიანობაშიც და პირად ცხოვრებაშიც მნიშვნელოვან შედეგებს მიაღწიოთ. გადაწყვეტილების მიღებისას სასურველია გამოცდილი და თქვენთვის პატივსაცემი ადამიანების აზრი მოისმინოთ. გამორიცხული არ არის, რომ დღის მეორე ნახევარში გადაღლა და სისუსტე იგრძნოთ და ქრონიკულმა დაავადებებმა თავი შეგახსენოთ. არსებობს საავადმყოფოში მოხვედრის რისკიც, ამიტომ ეცადეთ სამსახურზე ფიქრი დაივიწყოთ, ფიზიკური დატვირთვა თავიდან აიცილოთ და კარგად დაისვენოთ.

ლომი

ამ დღეს ჯანმრთელობას განსაკუთრებული სიფრთხილით უნდა მოეკიდოთ – არსებობს ტრავმის მიღების საფრთხე. პროფესიულ საქმიანობაში შეიძლება გარკვეული სირთულეები გაჩნდეს, მაგრამ დღის მეორე ნახევარში მათ წარმატებით დაძლევთ. სასურველია, საღამო მეგობრებთან ერთად, სასიამოვნოდ გაატაროთ, თუმცა ალკოჰოლის მიღებისგან უმჯობესია თავი შეიკავოთ. ბევრ ლომს ახალი ნაცნობობა ელის, რომელიც შეიძლება მალე რომანტიკულ ურთიერთობაში გადაიზარდოს. ეს იქნება სიყვარულითა და ურთიერთგაგებით სავსე, მტკიცე ურთიერთობა.

ქალწული

ხელმძღვანელობას თქვენი ინტელექტი და გამჭრიახობა ძალიან მოსწონს, თუმცა ეცადეთ ამ კეთილგანწყობით ზედმეტად არ ისარგებლოთ. არსებობს საფრთხე, რომ კოლეგამ ხაფანგი დაგიგოთ, ამიტომ ყურადღება არ მოადუნოთ. საუბრისას სიტყვები ფრთხილად შეარჩიეთ და ჭორები არ გაავრცელოთ. ეცადეთ თქვენს საქმეში მაქსიმალური ძალისხმევა ჩადოთ და შედეგსაც სწრაფად მიიღებთ. თავი შეიკავეთ უჩვეულო გადაწყვეტილების მიღებისგან და არასტანდარტულ მიდგომებსაც მოერიდეთ, რადგან ეს სასურველ შედეგს არ მოგიტანთ, პარტნიორების მხრიდან კი კრიტიკას დაიმსახურებთ.

სასწორი

ყველა მნიშვნელოვანი საქმე გადადეთ, რადგან გადაღლილობის გამო მათი დასრულება გაგიჭირდებათ. გირჩევთ, ეს დღე საკუთარ თავს დაუთმოთ – იფიქრეთ იმიჯის შეცვლაზე, კოსმეტოლოგს ესტუმრეთ და მეგობრებთან ერთად ბუნებაში გაისეირნეთ. ეს ახალი გამარჯვებებისთვის ძალას მოგცემთ.
თუ არასტაბილური მატერიალური მდგომარეობის გამო სამსახურის შეცვლაზე ფიქრობთ და შეთავაზება გაქვთ, შეგიძლიათ ეს საქმე ბოლომდე მიიყვანოთ. ცვლილებები თქვენთვის სასარგებლო იქნება და ფინანსური მდგომარეობის გამყარებას შეძლებთ.

მორიელი

ეს დღე წვრილმანი საქმეებითა და ფუსფუსით სავსეა, თუმცა თქვენს შრომის მნიშვნელოვან შედეგს მაინც ვერ ნახავთ. გირჩევთ დიდი შესყიდვებისა და ფულის დაბანდებისგან თავი შეიკავოთ, რადგან დღეს ამისთვის ყველაზე არახელსაყრელი დღეა. სასურველია, საღამო მშვიდ ოჯახურ გარემოში გაატაროთ. ამ დღეს ყველაზე მარტივი გადაწყვეტილების მიღებაც კი გიჭირთ და შეიძლება ბევრი შეცდომა დაუშვათ. გირჩევთ, დამშვიდდეთ და დახმარება კოლეგებს სთხოვოთ – მათი დახმარებით ამ მდგომარეობას მარტივად დაძლევთ

მშვილდოსანი

შესანიშნავი და ნაყოფიერი დღეა, რომელიც ახალ შესაძლებლობებს გთავაზობთ. ნუ ეცდებით თქვენი სიმართლის ყვირილით დამტკიცებას და ნუ იკამათებთ – ეცადეთ ყველაფერი ჩუმად მოისმინოთ, თუნდაც ეს აბსურდული ჩანდეს. გარშემომყოფებს თქვენი ცხოვრების წესი მოსწონთ, ამიტომ შეიძლება ბევრი მოკავშირე იპოვოთ.

თხის რქა

შესაძლოა, კონფლიქტურ სიტუაციაში აღმოჩნდეთ ან სამართალდამცველებთან დაპირისპირება მოგიწიოთ, ამიტომ განსაკუთრებული სიფრთხილე უნდა გამოიჩინოთ. თუ ავტომობილს მართავთ, სიჩქარეს არ გადააჭარბოთ და ყურადღება არ მოადუნოთ. ცდუნებებს ნუ აჰყვებით და საკუთარ უსაფრთხოებაზე იზრუნეთ, რადგან ვიღაც ეცდება თქვენი სისუსტეები თქვენ წინააღმდეგ გამოიყენოს.

მერწყული

სავარაუდოდ, მოუგვარებელი პირადი პრობლემები ამ დღეს პროფესიულ საქმიანობაში ხელს შეგიშლით. შეიძლება საჭირო ადამიანები გაიცნოთ, რომელთა დახმარება მომავალში დაგჭირდებათ. ეცადეთ, პირადი პრობლემებისგან დროებით მაინც გათავისუფლდეთ და საკუთარ თავში არ ჩაიკეტოთ. მიღწეულზე ნუ გაჩერდებით – თქვენში დიდ პოტენციალს ხედავენ და ეს შანსი უნდა გამოიყენოთ. მალე მატერიალური სირთულეები დასრულდება და თქვენი ფინანსური მდგომარეობა დიდი ხნის მანძილზე სტაბილური იქნება.

თევზები

თამამად იმოქმედეთ — ამ დღეს იღბალი თქვენს მხარესაა. თუ გარისკავთ, შეიძლება შესანიშნავი შედეგები მიიღოთ. მთავარია მოტყუებით არაფერს მიაღწიოთ – თქვენი ტყუილი აუცილებლად გამჟღავნდება და თქვენს წინააღმდეგ შემოტრიალდება. საუკეთესო დროა იმ შეძენისათვის, რომელზედაც ასე დიდხანს ოცნებობდით. მართალია, ეს თქვენს ბიუჯეტს მნიშვნელოვნად შეარყევს, მაგრამ თქვენი სიხარული ამად ღირს. მით უმეტეს, რომ უახლოეს მომავალში დამატებითი შემოსავლის შემოთავაზებას მიიღებთ.