11 მარტის ასტროლოგიური პროგნოზი

ვერძი

ნებისმიერი საქმე, დღეს, კმაყოფილებასთან ერთად სარგებელსაც მოგიტანთ, ხოლო თუ პრობლემების მოსაგვარებლად ახლობლებს, ან კოლეგებს დაიხმართ, გაცილებით მეტს მიიღებთ, ვიდრე ელოდით.

კურო

დაბნეულობა და გადაღლილობა ნეგატიურად აისახება თქვენს საქმიანობასა და ქმედებებში, რაც, სავარაუდოდ, ირგვლივ მყოფთა დაპირისპირების და გაუგებრობების მიზეზი გახდება. აკონტროლეთ ემოციები.

ტყუპები

შეგიძლიათ, დღეს ნამდვილად იამაყოთ საკუთარი თავით,  არ დაგჭირდებათ, მოძებნოთ რაიმე უნივერსალური გასაღები ყველას გულის მოსაგებად. დღეს, ყველაფერი გამოგივათ.

კირჩხიბი

დღეს, დიდი ალბათობით, იოლად შემოიკრებთ თანამოაზრეებს. თქვენი ენთუზიაზმი და დამაჯერებელი საუბარი, ხალისიანი განწყობა და ენერგიულობა ადვილად განაწყობს ყველას თქვენთან სათანამშრომლოდ.

ლომი

ნუ გადაიტვირთებით და ნუ წამოიწყებთ რაიმე ახალს, დაეხმარეთ, ვინც ამას საჭიროებს, მაგრამ თავი შეიკავეთ სერიოზული საკითხების გადაწყვეტისა და ინიციატივის გამოჩენისგან.

ქალწული

მოულოდნელობებმა შეიძლება, შეცვალოს თქვენი დღის განრიგი, დაირღვეს ჩვეული საქმიანი რიტმი, თუმცა, ეს შექმნილი გარემოება ახალ შესაძლებლობებს და გზას გამოაჩენს, რომელიც მეტად მიგაახლოებთ მიზანთან.

სასწორი

შანსი გაქვთ, გაიცნოთ და დაუახლოვდეთ მეტად საჭირო გავლენიან ადამიანებს, დაუგეგმავი და მოულოდნელი შეხვედრები დიდ შთაბეჭდილებას მოახდენს თქვენზე , ბევრ რამეს ახლებურად, სხვა თვალით შეხედავთ.

მორიელი

ეს დღე ხელს შეუწყობს მოლაპარაკებებს, კონფლიქტების მოგვარებას, ახალი პარტნიორების მოზიდვას და რთული საკითხების წარმატებით გადაწყვეტას. ირგვლივ მყოფთა სიმპათიას და კეთილგანწყობას მარტივად მოიპოვებთ.

მშვილდოსანი

დღეს, თქვენთვის შეუძლებელი არაფერია, არ არსებობს წინააღმდეგობა, რომელიც პრობლემას შეგიქმნით, არ არსებობს საზღვრები, რომლებიც შეგაჩერებთ და ფრთხილად იყოს ის, ვინც დაგიპირისპირდება.

თხის რქა

მნიშნელოვანია, თვალი ადევნოთ მოვლენებს და ფეხი აუწყოთ ცვლილებებს, გაქვთ შანსები, დრო თქვენი წინსვლისთვის გამოიყენოთ, მაგრამ სიზარმაცით შეიძლება, შანსი ხელიდან გაუშვათ.

მერწყული

დღეს, შეძლებთ, მოიცალოთ თქვენთვის, სამყაროს თითქოს პირველად დაინახავთ მთელი თავისი დიდებულებით და საოცრებებით. მოსალოდნელია, მნიშვნელოვანი გარდატეხა.

თევზები

მოულოდნელობებს ელოდეთ ფინანსურ საკითხებთან დაკავშირებით, ეს შეიძლება იყოს ნეგატიური ცვლილებაც და პოზიტიურიც. შეიძლება, იპოვოთ რაღაც თანხა, ან პირიქით. ზოგადად, სიფრთხილე გამოიჩინეთ ფინანსებთან.