“1 500 დოლარად როგორ გავიყიდებოდიო- ანუ გაყიდვა დაუშვა”- ირაკლი კობახიძე მარგველაშვილზე

“გიორგი მარგველაშვილისნაირი ადამიანები არ შეიძლება, იყვნენ ქართულ პოლიტიკაში”, – ასე გამოეხმაურა   პარტია „ქართული ოცნების“ თავმჯდომარე, ირაკლი კობახიძე აშშ-ის იუსტიციის დეპარტამენტის მიერ გამოქვეყნებულ დოკუმენტებს, რომლის მიხედვითაც, ერთ-ერთ აქტივობაში, რომელშიც გიორგი მარგველაშვილიც იყო ჩართული, მედიაკომპანიამ მიხეილ სააკაშვილის სახელით 12 000 დოლარამდე თანხა მიიღო.

„მარგველაშვილი რაც არის და ვინც არის ყველამ ძალიან კარგად იცის. როდესაც მას უთხრეს რომ 10 500, თუ რამდენი იყო, დოლარი ჰქონდა აღებული სააკაშვილის ქომაგობაში, მან ერთადერთი ასეთი რაღაცა თქვა, რომ 10 500 დოლარად როგორ გავიყიდებოდიო. ანუ გაყიდვა დაუშვა. აქედან ჩანს მისი სახე, ასეთი ადამიანები არ შეიძლება, იყვნენ ქართულ პოლიტიკაში, ასეთი ადამიანები არ შეესაბამებიან ქართულ პოლიტიკურ კულტურას“, – განაცხადა ირაკლი კობახიძემ.

FARA-ს თანახმად, ერთ-ერთ აქტივობაში, რომელშიც გიორგი მარგველაშვილიც იყო ჩართული, მედიაკომპანიამ მიხეილ სააკაშვილის სახელით 12 000 დოლარამდე თანხა მიიღო.

აშშ-ის იუსტიციის დეპარტამენტის ვებგვერდზე გიული ალასანიასა და მიხეილ სააკაშვილის მიერ დაქირავებული ლობისტური კომპანიის აქტივობების შესახებ ახალი ინფორმაცია 19 ივლისს გამოქვეყნდა.